«Mugaz gaindiko» Larrun ikastetxea inauguratu dute Urkulluk eta Roussetek

DONOSTIA. Eusko Jaurlaritzako lehendakari Iñigo Urkulluk eta Akitania Berriko presidente Alain Roussetek Larrun ikastetxea inauguratu dute, Donostian. Eusko Jaurlaritzaren arabera, «Euskadiko mugaz gaindiko lehen ikastetxea» da, eta bat egiten du euroeskualdearen «idealekin». Zentroak euskarazko eta frantsesezko murgiltze eredua eskaintzen du, oraingoz, haur hezkuntzako ikasleentzat. 2020-2021eko ikasturtean ireki zuten, eta 75 ikasle ditu gaur egun.