«Muga inposatuak eraistera» deitu du Jarkik

Espainiako Konstituzioaren Eguna izaki, Jarki antolakundeak manifestazioa egin zuen atzo Iruñean. Mugak gaindituz, Euskal Herri sozialista eraiki lelopean, 200 lagun inguruk salatu zuten bai Espainiako bai Frantziako konstituzioek «legeztatu» egiten dutela «Euskal Herri langilearen aurkako jazarpena». Halaber, diotenez, lurraldearen zatiketak asmo argia du: «Nazio izaera eta identitatea deuseztatzeko baldintzak sortzea».