Motxo Bermeoko arrantzontzia Deba eta Zumaiako itsaslabarretik ateratzeko garabi bat erabiliko dute, Baleike.com Zumaiako webguneak dioenez. Garabiak 50 metrotik egin dezake lan, eta Motxo leku seguru batean utziko du.
Itsasotik kanpo dela, harraldean geratzen diren materialak garbituko dituzte, eta arrantzontzia bertan zatikatuko dute, garraiatu ahal izateko. Plangintza hori Usabiaga garabi enpresak aurkeztu du.
Orain dela hiru aste geratu zen Motxo Deba eta Zumaia arteko kostaldean, handik atera ezinik. Istripuaren hurrengo egunetan arrantzontzia handik mugitzen saiatu ziren, baina eguraldi txarrak eta itsaso nahasiak ez zuen lagundu. Horrenbestez, lanak bertan behera gelditu ziren, plan berri baten bila. Ontziak olio isuriak izan ditu.
Ingurumena
'Motxo' garabi batekin aterako dute
Arrantzontziak hiru aste daramatza Deba eta Zumaia arteko kostaldean.
Iruzkinak
Ez dago iruzkinik
Ordenatu
