47 urteko Unzueko motozale bat hil da bart Obanosen (Nafarroa), NA-6064 errepidean, Foruzaingoak jakinarazi duenez. Auto baten kontra jo zuen, eta bertan hil. Anbulantzia bat, Cordovillako suhiltzaileak eta foruzainak bertaratu ziren, 21:47an istripuaren abisua jaso eta gero, baina ezin izan zuten ezer egin motozalea suspertzeko. Auzitegi medikuarenera eraman dute gorpua, autopsia egiteko.
Auto gidariak positibo eman zuen alkohol proban; zauri arinak besterik ez du, eta ibilgailuan zihoazen beste bi lagun onik atera ziren.