64 urteko motorzale bat hil da Barrundian (Araba), N-104 errepidean izandako istripu batean.
Eusko Jaurlaritzako Segurtasun Sailak azaldu duenez, ezbeharra igande arratsaldean gertatu zen, 17:30ean, N-104 errepidean, Barrundia parean. Motor batek eta auto batek alboz jo zuten.
Istripuan izandako zaurien ondorioz, motor gidaria Txagorritxuko ospitalera eraman zuten, larri, eta gaur goizaldean hil da.
Ertzaintzak ikerketa bat abiatu du, istripua nola gertatu zen argitzeko.
