Motor gidari bat hil da Tolosan (Gipuzkoa), N-1 errepidetik atera eta lau metrotik baino gehiagotik erorita. Europa Press berri agentziak eman du gertatutakoaren berri, Eusko Jaurlaritzako Segurtasun Sailak baieztatuta.
12:20 aldera gertatu da istripua, motor gidaria Lasarte-Oria (Gipuzkoa) aldera zihoala. Lau metrotik baino gehiagotik erori da gidaria, eta zauri larriak eragin dizkio horrek. Ezbeharra gertatu den lekura osasun zerbitzuak bertaratu dira, ospitalera eraman dute, baina ezin izan dute gizona suspertu.
