IRUÑEA. Alvaro Miranda Nafarroako Ogasun kontseilari izan zen 2007tik 2012ra bitartean, eta, atzo ikerketa batzordean azaldu zuenez, epe horretan ez zuen egin Nafarroako Kutxaren finantza zaintzarik. Nahiz eta 1976ko estatutuetan aipatu gobernuari zegokiola zaintza, Alvaro Mirandak ziurtatu zuen «inoiz ez» zela egin. Bere hitzetan, agindu hori eman izan balitz, Nafarroako Gobernuak bitartekoak jarriko zituen.
CANeko arduradunek egindako kudeaketa defenditu zuen Mirandak. «Ez dago dokumentu ofizial bat bera ere Nafarroako Kutxan gaizki jardun zela dioena». Aurretik Enrique Goñik eta beste batzuek egin bezala Caixabank-en amaitu izana ontzat jo du. Bere hitzetan, kutxen moldaketa prozesua hasi zenean 43 kutxa zeuden, eta zazpi taldetan bildu ziren: «Konbinazio horiekin, matematikoki 32 milioi aukera sortzen dira, eta guk hautatu genuena ez zen izan txarrena». Alderantziz, kontrakoa defenditu zuen: «Nahiko lukete beste batzuek CANek bezala amaitzea».
Miranda: «Nahiko lukete besteek CAN gisa amaitu»
Iruzkinak
Ez dago iruzkinik
Ordenatu
