Mendizale bat oso larri zauritu da gaur goizean, Añelarra mendian (2.358 metro) behera erori eta gero, Belagua inguruan (Nafarroa). Mendizaleak —gizona eta 62 urtekoa— 300 metro inguruko erorikoa izan du, Añelarra igotzen ari zela.
Intervenimos la mañana del #sábado para rescatar a un montañero accidentado en la zona de #Larra (#Isaba)
— Bomberos y Bomberas – Suhiltzaileak (@bomberos_na) December 28, 2024
Recate con helicóptero y traslado en helicóptero medicalizado al #HUN#GRTNavarra#helicóptero rescate#helicóptero medicalizado@policiaforal_na@NavarraGCpic.twitter.com/Yd8dfTmDqC
SOS Nafarroak 10:37an jaso du istripuaren berri. Nafarroako suhiltzaileen erreskate teknikoetarako taldea bidali du istripuaren lekura. Erreskateetarako helikopteroa, medikua zeraman helikoptero bat, anbulantzia bat, Foruzaingoa eta Guardia Zibila joan dira.
Zaurituak ez du konortea galdu. Aurrena erreskate helikopteroak jaso du, eta, gero, medikua zuen helikopterora pasatu dute. Nafarroako Ospitale Unibertsitariora eraman dute. Hainbat kolpe hartu ditu, eta oso larri dago.
