Mayor Orejak masailezurra eta bi hatz hautsi ditu, bizikletatik erorita

Jaime Mayor Oreja EAEko PPko presidente ohi eta PPko eurodiputatuak masailezurra eta bi hatz hautsi ditu, eta sorbaldan kolpea hartu, bizikletatik erorita. Madrilgo Escorial inguruan erori zen, mendi buelta bat ematen ari zela.

Ospitale batean dago, zainketa gelan, eta bertan emango ditu datozen orduak. Mayor Orejaren senideek adierazi dutenez, zulo «txiki» batetik pasatzean erori zen. Era berean, esan dute kolpatutako eta hautsitako gorputz atalak «oso minberatuta» dauzkala, baina ez dagoela larri. Horrez gain, adierazi dute astean normalean bi edo hiru aldizibiltzen dela Mayor Oreja bizikletan.