Martin Ugalderen ohorezko saria, BERRIAren esku

ANDOAIN. Martin Ugalderi Ohorezko kazetaritza saria eman zion Kazetarien Euskal Elkargoak. Unai Ugalde semeak jaso zuen, eta familiaren izenean BERRIAren eskuetan utzi nahi izan du haren ibilbidearen aitortzaren ikurra. «Gure aitak bi familia zituen: etxekoa eta kazetariena. Horregatik pentsatu genuen sari hau BERRIAren esku uztea zela egokiena, bere ondorengoentzat». Beatriz Zabalondo BERRIA Taldeko lehendakariak jaso du saria, taldearen izenean. Eskerrak eman ditu: «Ohorea da, zainduko dugu, eta Martin Ugalde nor zen kontatuko diegu ondorengoei».