Marixol Iparragirre Avilako espetxera (Espainia) eraman dute gaur. 09:30ak aldera iritsi da hara. Madrilgo Soto del Real kartzelatik lekualdatu dute.
Iparragirre irailaren 4an espetxeratu zuten Soto del Realen, Frantziak hura Espainiaratu ostean. Bakartze modulu batean izan dute kartzela horretan.
Abuztuaren 27an amaitu zuen Frantziako espetxe zigorra —2004an atxilotu zuten, ETArekin lotuta—, baina geroztik ere preso izan dute, Espainiari entregatu artean. Auzitegi Nazionalak jakinarazi zion haren kontrako hamabi auzirengatik epaituko dutela.
Sortuk eta EH Baik deitoratu egin zuten Iparragirreren Espainiaratzea, eta hark "bakearen" eta "elkarbizitzaren" alde egindako lana nabarmendu zuten.
