Maria Lizarraga Merino Burlatako (Nafarroa) euskal presoa eta Oskarbi Jauregi Amondarain Zaldibiakoa (Gipuzkoa) aske utzi dituzte. Espetxe Zaintzako Epaile Nagusiaren ebazpenaren bidez, baldintzapean aske geratu dira biak.
Jauregik 23 urte egin ditu preso. 2023ko abenduan hirugarren graduan jarri zuten, eta iragan martxotik baliabide telematikoen bidez bete du zigorra.
Lizarragak Ia hamasei urte egin ditu preso. 2022ko ekainean hirugarren graduan jarri zuten, eta ordutik baliabide telematikoen bidez bete du zigorra. Hala jakinarazi du Etxerat-ek.
🟢📢Maria Lizarraga Merino Burlatako preso politikoa Baldintzapeko askatasunean geratu da Espetxe Zaintzako Epaile Zentralaren ebazpenaren bidez. Ia 16 urte zeraman preso. https://t.co/Dmmwd2RWHo#Etxerapic.twitter.com/V7ykiFVw4X
— Etxerat Elkartea (@EtxeratElkartea) August 7, 2024
Oskarbi Jauregi 2020ko azaroan Euskal Herriratu zuten Teixeiroko espetxetik (Galizia, 600 kilometro). Martuteneko espetxean izan dute.
Maria Lizarraga eta Iñigo Gutierrez euskal presoak Zaballako espetxera (Araba) eraman zituzten 2022ko udan, Aranjueztik (Madril, 520 kilometro). Adin txikiko ume baten gurasoak dira. Ordutik, Lizarraga Zaballako espetxean eduki dute, eta Gutierrez, berriz, Zaballako gizarteratze zentroan, hirugarren graduan; 2021eko abenduan aske utzi zuten.
Dena den, aste gutxi batzuen buruan, Espainiako Auzitegi Nazionalak hirugarren gradu hori ezeztatu zuen, argudiatuz presoak ez zuela «barkamena» eskatu, eta Izadi haurraren aitak kartzelara itzuli behar izan zuen. Hilabete gutxi batzuk baino ez zitzaizkion falta orduan zigorra betetzeko.
Frantziako Poliziak atxilotu zuen Maria Lizarraga, 2008ko irailean, Frantzia erdialdean, Loira departamenduan, Unai Fanorekin batera. Azken negoziazio prozesuan ezker abertzalearen negoziazio taldeko kide izan zen Fano.
