PARIS. Atzo, zortzi aktibistaren eta kazetari baten epaiketa iragan zen Parisko Auzitegian, Emmanuel Macron Frantziako presidentearen potretak kentzeagatik Euskal Herriko eta kanpoko hainbat herriko etxetatik. Aldi berean, aktibista ekologistek 130. potreta deslotu zuten Saint Ouengo (Ile-De-France) Herriko Etxetik, «akusatuei elkartasuna helarazteko eta gobernuaren politika klimatikoa salatzeko». Akusatuei taldean eginiko lapurreta egozten zaie, eta, horregatik, bost urteko kartzela zigorra betetzera eta 75.000 euroko isuna pagatzera kondenatzen ahal ditu auzitegiak.
G7koen goi bileraren garaian,ekologistek Baionan atera zituzten ordura arte lapurtutako 128 potretak, salatzeko Macronen «engaiamendurik eza» klima larrialdiarekiko. Urte osoan Bizi, Alternatiba eta ANV COP21 mugimenduek eramandako kanpainaren emaitza izan zen. Joan den maiatzaren 28an, Bizi mugimenduko zazpi kide atxilotu zituzten. Aurretik, apirilaren 9an, bost kide Baionako polizia etxera deitu zituzten deklaratzera.
Macronen potreta bat deslotu dute auziaren bitartean
Iruzkinak
Ez dago iruzkinik
Ordenatu
