Lurdes Huiziri omenaldia

Goizuetako herritarrek eta suhiltzaile boluntarioek omenaldia egin zioten atzo, 20:00etan, Lurdes Huizi Perurenari. Boluntarioetakoa zen bera ere, eta Berriako lankidea. Herenegun hil zen, 61 urterekin, eta bere sorlekuan esker ona agertu zioten Huiziri berari eta haren senideei. Txalo jotzen aritu ziren etxean itxita dauden herrikideak, eta suhiltzaile boluntarioak plazan elkartu ziren. Bertso bat kantatu zioten han, eta sirenak piztu zituzten, eta Huiziren senideei lore sortak eman zizkieten.