Euriteek lur jausi bat eragin dute gaur AP-8 autobidean, Usurbil parean (Gipuzkoa), eta errepidearen zati bat itxi dute Lapurdirako noranzkoan. Gipuzkoako Foru Aldundiak ohar bidez jakinarazi du suhiltzaileak eta Bidegi enpresako teknikariak lehen ordutik ari direla beharrean eremu kaltetuan, eta dagoeneko hasi direla egokitzeko eta garbitzeko lanak. Lanean ari diren bitartean, Behobiarantz doazen ibilgailuak GI-20 errepidetik desbideratzen ari dira.
Aldundiak jakinarazi du lur jausiak ezpondaren lur kopuru handi bat mugitu duela, baina teknikariek egiaztatu ahal izan dutela euste horma ez dela kaltetu. Nolanahi ere, eremua kontrolatzeko eta egokitzeko lanekin jarraituko dute hurrengo orduetan, eta, bien bitartean, errepide zati hori itxita egongo da.
Luizi baten ondorioz, AP-8 autobidea itxi dute Usurbilen, Irungo norazkoan
Euriteek eragin dute lur jausia, eta trafikoa GI-20 errepidetik desbideratzen ari dira.
Iruzkinak
Ez dago iruzkinik
Ordenatu