Luis Roncero eta Anartz Aranbarri, Euskal Herrira

BILBO. Luis Roncero eta Anartz Aranbarri iheslari ohiak Euskal Herrira itzuli dira, Etxeratek jakinarazi duenez. Roncero gasteiztarra da, eta urtarrilean itzuli zen etxera. Aranbarri, berriz, ondarroarra da (Bizkaia). Hura Venezuelatik iritsi da, eta asteartean geratu zen aske, Espainiako Auzitegi Nazionalak ebatzita ez dagoela haren aurkako auzirik. Egun hemezortzi erbesteratu eta bost deportatu daude Euskal Herrira itzuli gabe.