Lopez de Lacalle kazetaria gogoratu dute, haren hilketaren 15. urteurrenean

ANDOAIN. Jose Luis Lopez de Lacalle kazetaria gogoratu zuten atzo Andoainen (Gipuzkoa), haren izena daukan plazan eginiko ekitaldi batean. Atzo hamabost urte hil zuen ETAk, tiroz, haren etxearen atarian. Besteak beste, El Mundo egunkariko zutabegilea zen, eta Ermuko Foroko kidea. «Inolako zigor eta mehatxurik gabe ideiak aske adierazteko eskubidea» aldarrikatu du haren emazte Mari Paz Artolazabalek. PSE, PP eta EAJren udal taldeetako kideak izan ziren ekitaldian.