Lekunberrin (Nafarroa) Mao Mao Beach dantzalekuko aparkalekuan gaur goizean labanaz erasoa jaso duen mutil gaztea hil egin da, handik ordu batzuetara. Borroka batean jaso du labankada, lekukoek esan dutenez.
Gertaera izan eta gutxira lekuko batek Guardia Zibilari jakinarazi dio hilketaren ustezko egileak lau direla eta laurek auto batean egin dutela ihes. Poliziak errepide kontrolak jarri ditu, eta 7:20an atzeman du auto hori, NA-240-An, Berriobeitin (Nafarroa). Guardia Zibilak dio erasoan erabilitako labana zeukatela autoan. Ez du atxilotuen daturik eman.
6:43an izan da Lekunberriko gertaera, Poliziak dioenez, eta gaztea Iruñeko Ospitalera eraman dute anbulantzian. Erietxean zendu da, 9:10ean.
Donostiarra da hildakoa: A.L.L., 21 urte.
gizartea
Lekunberriko hilketaren ustezko lau egileak atxilotu dituzte
Donostiar mutil gazte bat hil dute labankadaz gaur goizean, Mao dantzalekuko aparkalekuan. Berriobeitin atzeman ditu lau lagunak Guardia Zibilak.
Iruzkinak
Ez dago iruzkinik
Ordenatu
