Lau urteko kartzela zigorra ezarri dio Nafarroako Probintzia Auzitegiak Iruñeko irakasle bati. Bi delitu egotzi dizkio epaileak, 6 eta 12 urteko bi ikasleri egindako sexu erasoengatik. Akusatuak zigorra onartu du ahozko ikustaldia izan baino lehen, eta 4.000 euroko kalte ordaina ordaindu du.
Ez du kartzela zigorra bete beharko, baina ohiz kanpoko kargugabetzea aplikatuko diote, alde guztiek onartuta: ez duelako aurrekaririk, delituetako bakoitzean ez diotelako ezarri bi urtetik goragoko zigorrik, eta erantzukizun zibila erakusten duen kalte ordaina ordaindu duelako. Halere, sexu hezkuntzari buruzko ikastaro bat egin beharko du, eta 290 egunez lan egin beharko du komunitatearendako. Gainera, sei urtez ezin izanen da adingabeekin mintzatu, eta urruntze agindua ere izanen du; bortz urtez zaintzapean aske egonen da.