DONOSTIA. Epailearen aurrean deklaratzera joan behar izan zuen iazko martxoaren 20an Lander Arbelaitz Argia-ko kazetariak; izan ere, bi ertzainek «publizitatearekin egindako irainak» egotzi zizkioten, 2018ko maiatzean kazetari lanetan ari zela egin zuen bideo batengatik. Delitua da, kondenarako motiboa Zigor Kodean. Auzia aztertu duen instrukzio epaileak, ordea, ez du ikusi auzibidearekin jarraitzeko adinako zantzurik kazetariaren kontrako salaketan, eta auzia artxibatzeko modukoa dela jakinarazi zuen, atzo.
Halere, ertzainek adierazi dute ez daudela konforme artxibatzearekin, eta bi helegite ipini dituzte. Bat, artxibatzea bertan behera uzteko; eta bestea, justizia sisteman gora jotzeko. Helegitean adierazi dutenez, funtzionario publikoen aurkako «irainak» egin zituen kazetariak.
Lander Arbelaitzen aurkako auzia, artxibatuta
Iruzkinak
Ez dago iruzkinik
Ordenatu
