Conrado Hernandez Eusko Jaurlaritzak Kuban duen ordezkaria atxiki zuen horko Poliziak duela bi aste, Habanan, eta hura ikertzen ari dira. Jaurlaritzak gaur esan du gertaeraz jakinarazpen ofizialik ez duela jaso baina Hernandez ez dagoela atxilotua. "Hori bai, han mugitzeko erabateko askatasunik ez dauka".
Poliziak atxiki zuen, emaztearekin batera aireportuan, eta SPRIko (Industria Sustatzeko eta Eraldatzeko Baltzua) bulegoak miatu ditu. Emaztea aske utzi zuten.
60 urte ditu Hernandezek eta, hain zuzen, SPRIko zuzendaria da Kuban. 1998an zabaldu zuten ordezkaritza han.
Vocento taldeko egunkariek diote Carlos Lage-rekin "harreman estua" duela hark. Kubako Gobernuko presidenteorde izan da duela gutxi arte Lage; kargutik kendu berri dute.
Kuba Eusko Jaurlaritzak han duen ordezkaria ikertzen ari da
Poliziak Conrado Hernandez atxiki zuen duela bi aste. SPRIko zuzendaria da han.
Iruzkinak
Ez dago iruzkinik
Ordenatu
