Juan Ignacio Perez Iglesias, Jakiunde akademiako buru

BERGARA. Juan Ignacio Perez Iglesias Euskal Herriko Unibertsitateko errektore ohia (Salamanca, Espainia, 1960) izendatu dute Jakiunde Zientzia, Arte eta Letren Akademiako lehendakari. Eusko Ikaskuntzak 2007an sortutako erakundeak zuzendaritza organo berriak aukeratu zituen atzo, eta, lehendakariaz gain, mahaiko hamar kideak ere hautatu zituzten. Perez Iglesias Biologian doktorea da, eta Pedro Miguel Etxenike ordezkatuko du; Etxenike 2016tik zegoen karguan.