EAJren EBB Euskadi Buru Batzarrak Joseba Diez Antxustegi izendatu du Eusko Legebiltzarrean jeltzaleen bozeramaile lanak egiteko. Arabako zerrendaburua izan zen iragan apirilaren 21eko hauteskundeetan; 31 urte ditu eta Zuzenbidean lizentziaduna da. Joseba Egibarren lekukoa hartuko du.
Bihar egingo dute legegintzaldi berriari hasiera emateko osoko bilkura, eta EAJk Bakartxo Tejeria proposatuko du Eusko Legebiltzarreko presidente. Ardura hori izan du azken hiru legegintzaldietan ere. Horrez gain, EAJk jakinarazi du Ion Aiarza proposatuko duela Eusko Legebiltzarreko mahaiaren lehen idazkari kargurako.
