Jaurlaritzak eta EEPk 1,9 milioi euro inbertituko dituzte euskara sustatzeko

BAIONA. Eusko Jaurlaritzak eta EEP Euskararen Erakunde Publikoak 1.930.000 euro inbertituko dituzte Iparraldean euskara sustatzeko. Lankidetza horren bitartez, euskaltegiak, euskarazko irakaskuntza, euskarazko hedabideak eta aisialdi jarduerak diruz lagunduko dituzte. Beñat Arrabit EEPko presidenteak esan du egitasmo horrek «euskararen transmisioa eta erabilera» garatzen lagunduko duela.