BAIONA. Bakegileek eta Bake Bideak «gogorki» arbuiatu dute «terrorismoaren» aurkako Frantziako prokuradorearen jokabidea, Izaskun Lesaka presoaren baldintzapeko askatasuna eten eta gero. Asteartean, Kondenak Aplikatzeko Parisko Epaitegiak Lesakaren askatasun eskaera onartu zuen. Reauko kartzelan dago. Epaitegiak aintzat hartu zuen Euskal Herriko testuinguru politikoa aldatu izana, eta adierazi «bake prozesua zalantzan ezartzeak» ez duela «zentzurik».Haatik, prokuradoreak helegitea jarri zuen, eta baldintzapeko askatasuna eten.
Bestalde, Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak esan du Jaurlaritza «legea betetzen» ari dela motibazio politikoko preso batzuk graduz aldatuta.
Izaskun Lesaka askatzea galarazi du prokuradoreak
Iruzkinak
Ez dago iruzkinik
Ordenatu
