Ixa ikerketa taldeak adimen artifiziala aplikatu du COVID-19aren aurka

DONOSTIA. AEBetako Gobernuak bultzatuta COVID-19aren gaixotasunaren inguruan antolatutako adimen artifizialeko txapelketan saria jaso du EHUko Ixa ikerketa taldeak, hizkuntzaren prozesamendurako adimen artifizialaren erabileran egindako lanagatik. Ixa taldeak azaldu duenez, etengabe sortzen den informazio kantitate handiari aurre egiteko, hizkuntzaren prozesamendurako sistemek sekulako garrantzia dute, eta horren froga da saria.