Itsaso Andueza izango da Bake Planaren kontsulta batzordeko presidentea

GASTEIZ. Bake eta Bizikidetza Planaren kontsulta batzordearen presidente izendatu dute Itsaso Andueza. Hala jakinarazi zuen atzo Josu Erkoreka Jaurlaritzako bozeramaileak. Egun, Euskadiko Gazteriaren Kontseiluko presidentea da Andueza, eta Erkorekak esan du haren alde egin dutela apustu, «gertutik» erreparatu dielako bake planaren garapenari eta plan horrek gazteen arloan dituen beharrizanei.