GASTEIZ. Atzo aurkeztu zuten XII. Beldur Barik ikus-entzunezko lehiaketa, Gasteizko Jimmy Jazz aretoan. Kai Nakai abeslariak aldi honetarako sortutako Nahikoa dela kantua estreinatu zuen zuzenean, eta Uxue Bereziartua ilustratzaileak panel batean marraztu zuen Beldur Barik-en aurtengo irudia. Bien artean azaldu zituzten lehiaketaren nondik norakoak.
12 eta 26 urte bitarteko gazteei zuzenduta dago lehiaketa, eta lanek kultura matxistaren eta indarkeria sexistaren formak eraldatzeko konpromiso pertsonal eta kolektiboa islatu behar dute. Ikus-entzunezkoak aurkezteko epea gaurtik azaroaren 5era egongo da zabalik. Lehiaketako lan sarituak azaroaren 26an ezagutaraziko dira, Agurainen (Araba).
Ireki dute Beldur Barik lehiaketara aurkezteko epea
Iruzkinak
Ez dago iruzkinik
Ordenatu
