Iparragirre Espainiaratu egin dute

Frantziak Marixol Iparragirre Espainiaratu zuen atzo. Auzitegi Nazionalean jakinarazi zioten hamabi atentaturengatik auzipetuko dutela, eta, bitartean, Soto del Realeko kartzelan sartu dute preso. Iparragirrek abuztuaren 27an amaitu zuen Frantziako espetxe zigorra — 2004an atxilotu zuten, ETArekin lotuta—, baina geroztik ere preso izan dute. Sortuk eta EH Baik deitoratu egin dute Espainiaratzea, eta Iparragirrek «bakearen» eta «elkarbizitzaren» alde egindako lana nabarmendu. «Konponbidea» eta haren kaleratzea eskatzeko, elkarretaratzeak egin zituzten atzo, Eskoriatzan (Gipuzkoa) eta Donostian, Antiguan. Irudian, Eskoriatzakoa.