Intxaurraga omenduko dute gaur Zeanurin

Sabin Intxaurraga EAko politikaria hil zela urtebete da gaur. Hori dela eta, Zeanuriko Lagunak eta Zeanuri Bizi taldeak haren aldeko eguna antolatu dute, izaera pertsonala eta politikoa goratzeko.

Intxaurragak horren maitea zuen Gorbeia mendira igo, eta han igaroko dute goiza, Zeanuriko Plazatik 09:00etan aterata. Algortan ere egingo zaio ekitaldia goizean, 11:00etan. Eguerdian Altzusten herri bazkaria egin, eta mahai ingurua egingo dute arratsaldean, 18:30etik aurrera. EA eta ezker abertzalearen arteko elkarlanaren lehen sustatzaileetakoa izan zela eta, Tasio Erkiziak, Iñaki Antiguedadek, Pello Urizarrek, Carlos Goienetxeak eta Cesar Arrondok parte hartuko dute, Zeanuriko Kultur Etxean.