Ikerketapean, 'preso politiko' adieragatik

Ahotsa.info-ko kide bat deklaratzera deitu zuten atzo Espainiako Poliziaren Iruñeko egoitzara, terrorismoa goratzea egotzita. Deklaratzeari uko egin ostean, aske gelditu zen —irudian, babesa ematera joandako lankideak—. Ohar baten bidez azaldu dutenez, Espainiako Auzitegi Nazionaleko Fiskaltzak hedabidearen aurkako ikerketa bat abiatu du, 2018ko urtarrilaren 5ean eta 13an argitaratutako bi albisterengatik. Horietan kazetariak euskal preso politikoak adiera erabili zuen Euskal Preso Politikoen Kolektiboko (EPPK) kideei buruz aritzeko.