Euskara batuak Euskal Herriaren «garapenean izan duen balioa azpimarratzeko eta euskara batuaren sorreran bultzatzaile izan zirenak oroitzeko» giza katea eginen dute martxoaren 24an. Egitasmoa Euskaltzaindiak eta Ikastolak Herriari taldeak antolatu dute.
Datorren ostiralean, hilaren 17an, ekitaldia aurkeztuko dute, Donostian. Bertan izanen da Nekane Artola Ikastolen Elkarteko bozeramaile gisa, eta Miriam Urkia Euskaltzaindiaren izenean. Horrez gain, Errenteriako Orereta ikastolako haur batzuek testu musikatu bat irakurriko dute.
