Ikas Bi elkarteak Parisi egin presioa atxiki nahi du

BAIONA. Frantziako Hezkuntza Ministerioari buru egin nahi dio Ikas Bi guraso elkarteak, sare publikoan euskararen irakaskuntzari «oztopoak» emateari utz diezaion. Atzo, agerraldia egin zuten hurrengo ikasturterako agertu zituzten arazoak konpondu gabe direla salatzeko: murgiltzea esperimentatzeko hiru proiektu bertan behera utzi dituzte, eta ikasgeletan ikasle asko izanen dira. «300 ikasle gehiago izanen dira hurrengo urtean, baina ez dituzte behar diren irakasle postuak ezarri nahi. Ondorioz, ikasgela batzuetan, bost mailatako 30 ikasle izanen dira batera», salatu du Celine Etxebarne Ikas Biko kideak. Arazo teknikoa baino gehiago, «ideologikoa» dela salatu du.