"Gure helburua da ekitaldi hau ez izatea iseka ekitaldi bat, baizik eta [Frantziaren eta Espainiaren arteko] kooperazio markoan merezitako erantzuna izatea". Espainiak eta Frantziak 2001. urtean ETAren aurka egiteko sortutako lantaldearen urteroko batzarra amaitu ostean esan ditu hitzok Francisco Martinezek, Espainiako Barne Ministerioko bigarrenak.
"Atxiloketa agindu guztiak bete daitezen oso erne egongo" direla ohartarazi du, "izenetan sartu gabe" Miarritzen parte hartutakoren batek agindu hori baduen ikusi eta "beharrezko neurriak" eskatuko dizkiote Frantziari.
