'Iheslariek' Nafarroan botoa eman dezatela nahi du foru gobernuak

«ETAren indarkeriaren ondorioz Nafarroatik ihes egin edo deserriratu zirenek» Nafarroan botoa emateko Hauteskunde Legean behar diren aldaketak egitearen alde dago foru gobernua, atzo Javier Morras Barne kontseilariak adierazi zuenez. Bilduk Legebiltzarrean gaiaren inguruan eginiko galderari erantzunez azaldu zuen Morrasek bere gobernuaren jarrera. Neurri horren alde dagoela esan zuen, «ETAren biktimekiko erreparaziorako, justiziarako eta normalizazio demokratikorako neurria litzatekeelako». Dena den, onartu zuen Nafarroako erakundeek ez dutela eskumenik proposamen hori aurrera ateratzeko, Madrilek baizik.