Igorreko (Bizkaia) gazte bat hil zen larunbat arratsaldean Galizian, itota. 22 urteko bizkaitarra Ourense probintziako Rios udalerrian zegoen oporretan, eta Mente ibaian bainu bat hartzen ari zela gertatu zen ezbeharra, A Veiga do Seixon, Galizia eta Portugal arteko mugan.
Gaztea lagun batzuekin zegoen uretan, baina urazalera agertzen ez zela ikusita, bertan zeudenak gaztea topatzen hasi ziren. Aurkitu zutenean, inguruan zen lagun bat —lanbidez erizaina— hura suspertzen saiatu zen larrialdi zerbitzuetako helikoptero bat iritsi bitarte, baina ez zuten haren bizia salbatzea lortu. Heriotzaren nondik norakoak ikertzen ari dira.
