Senideek jakinarazi dutenez, hiru egun eztul gogorrarekin egon da presoa; plakak ateratzeko eskatu du Iparragirrek berak, eta pneumonia zantzuak aurkitu dizkiote. Hori dela eta, Alcala Meco espetxetik Madrilgo Principe de Asturias ospitalera eraman dute, “urjentziaz”, eta Gragorio Marañonen ospitaleratu dute gero. 2011n ere pneumonia izan zuen Iparragirrek.
Senideek azaldu dutenez, duela bi aste egin zizkioten odol analisien emaitzen zain jarraitzen du oraindik Iparragirrek. Halaber, gogorarazi dute azken odol analisiak 2016ko abendukoak direla, eta emaitza oso kezkagarriak ikusten zirela bertan. “Oraingo analisien emaitzak ez dira abendukoak baino hobeak izango”, esan dute senideek.
Iparragirrek ihesa dauka, 3C estadioan (gaixotasun estadio aurreratua). Oso larria da haren egoera, sendaezina.
Duela bi aste, Ibon Iparragirreren egoera kartzelarekin bateragarria ez dela zioen txostena aurkeztu zuten zenbait medikuk.
