Ibazetak «probokazio bati» erantzun ziola uste du Barrenak

Josetxo Ibazeta Donostiako alkatearen idazkari ohiak gaur goizean deklaratu behar du Espainiako Auzitegi Nazionalean. Ibazeta mehatxu eta terrorismoaren gorazarre delitu bategatik inputatuta deklaratuko du, Espainiako futbol selekzioaren zale batzuekin izandako ika-mikaren harira. Ezker abertzaleak Ibazetaren egoera salatu du. Pernando Barrenak azaldu duenez, Ibazetaren jarrera «probokazio baten ondorio» izan zen. «Haren bila jo zuten, haren etxearen inguru eremuan, xaxatu egin zuten, eta aldez aurretik prestatuta izan zen, bidean grabatzeko prest egoteak erakusten duenez», salatu zuen Pernando Barrenak, Joseba Permach, Marije Fullaondo eta Juan Kruz Aldasororekin batera egindako agerraldian. Barrenaren ustez,«nahita eginiko probokazio bati» erantzun zion Ibazetak. Bidenabar, ezker abertzaleak Ibazetaren kontrako kanpaina salatu du, eta Auzitegi Nazionala eraistea. Raxoiri eskatu zion alde batera uzteko errepresio bideak.