Hizketan hasteko eskatu die ezker abertzaleak gobernuei

ETAk Espainiako eta Frantziako gobernuekin elkarrizketak hasteko ordezkaritza izendatu duela esanez igorritako agiriaren ondoren, elkarrizketa horiei ekiteko eskatu zien atzo ezker abertzaleak bi gobernuei. Maribi Ugarte bozeramailearen arabera, mezu horren bidez, ETAk berretsi egin du «elkarrizketarako duen prestasuna». Horregatik, gobernuek «atzerapen gehiago gabe» elkarrizketei heldu beharko lieketela uste du Ugarteburuk. Bestalde, Rufi Etxeberriak herenegun gauean esan zuen konponbide prozesua «erabaki judizialen, atxiloketen eta eskubide urraketen gainetik» dagoela eta prozesu horren helburua «bakea eta normalizazio demokratikoa» lortzea dela.