Hitzarmena egin dute NUPek eta Paueko Unibertsitateak

NUP Nafarroako Unibertsitate Publikoak eta Paueko eta Aturri Aldeko Unibertsitateak elkarlanerako hitzarmena sinatu zuten atzo Baionan. Bi unibertsitateek azpimarratu dute elkarlana aspaldikoa dela, eta 2005ean egindako hitzarmena garatzeko ekitaldia izan zela atzokoa. Hitzarmenaren ondorioz, Erdi Aroko historia edo materialen ezagutzari buruzko jakintzak partekatuko dituzte bi unibertsitateek.