Eibarko (Gipuzkoa) Errekatxu auzoko etxe batek su hartu du eguerdian. Sukaldean sortu da sua, eta etxean zeuden bi emakume bertatik atera dituzte suhiltzaileek. Sua goiko solairuetara zabaldu da. Hiru pertsona eraman dituzte Mendaroko ospitalera, kea arnastegatik.
12:10ean gertatu da sutea, laugarren solairuko etxe bateko sukaldean, eta keak bosgarren eta seigarren solairuei ere eragin die, Eusko Jaurlaritzako Segurtasun Sailak zehaztu duenez. Laugarren solairuan bizi diren bi emakumeak etxeko balkoira atera dira, sugarretatik eta ketik ihesi. Balkoian babestu dira, keak sabaitik gora egiten zuen bitartean, suhiltzaileek erreskatatu arte. Aurrena anbulantzietan artatu dituzte, eta gero Mendaroko ospitalera eraman.
Etxetik aterarazitako bizilagunak etxera bueltatu dira.
