Eusko Jaurlaritzako Segurtasun Sailak jakinarazi duenez, hiru lagun erreskatatu dituzte Arraia-Maeztun, Araban, hogei metroko amildegi batetik erori ostean. Ertzaintzak abisu bat jaso du 02:20 aldera, eta jakinarazi diote gazte batek eta bi adingabek ezbehar bat izan dutela Izkiko parke naturalean .
Suhiltzaileak eta Ertzaintzako Zaintza eta Erreskate Unitateko kideak bertaratu, eta hiru lagunak amildegitik atera dituzte. Hiru horietako bi —gaztea eta adingabeetako bat — Gasteizko Txagorritxu ospitalera eraman behar izan dituzte, zauriak sendatzera eta hezurren bat hautsia ote zuten ikustera.
