Iragan larunbatean, auto batek patinete batean zihoan 20 urteko mutil bat harrapatu zuen Uharten (Nafarroa). Gazteak zauri larriak izan zituen, buruan hartutako kolpearen ondorioz batez ere. Hil egin da gaur, Nafarroako Ospitale Unibertsitarioan.
Istripua larunbateko 16:51 aldera gertatu zen, Uharteko bidegurutze batean. Foruzaingoak alkohol eta droga probak egin zizkion auto gidariari, eta emaitzak negatiboak izan ziren.
