Motor gidari bat larri zauritu zen ostiralean, Ledeako tunelean (Nafarroa) izandako istripu batean, A-21 autobian (Pirinioetako autobia): noranzko berean zihoan furgoneta bat jo zuen. Herenegun hil zen 52 urteko motor gidaria, Nafarroako Ospitale Unibertsitarioko zainketa intentsiboetako unitatean, istripuak eragindako zaurien ondorioz.
Istripua 17:30 aldera gertatu zen, A-21 autobiako 44. kilometroaren parean, Ledeako tunelaren barruan. Motozaleak oso zauri larriak zituen, eta larrialdi zerbitzuek Nafarroako Ospitale Unibertsitariora eraman zuten.
Aurten Nafarroan hildako hirugarren motor gidaria da.
