Harri Beltza elkarteak antolatuta, hiesaren prebentzioari buruzko kultur jardunaldia egingo dute bihar Oiartzunen (Gipuzkoa). Joseba Errekalde elkarteko presidenteak iragarri duenez, «musika eta elkartasuna» uztartuko dituzte. Kirkit Ensamble taldeak kontzertua emango du bihar San Estebango elizan, 19:30ean. Errekaldek azaldu du «lan berezia» egin behar dutela gizonen arteko harremanak dituztenekin, urtero hiesaz kutsatzen direnen erdiak direlako.
Sidalava elkarteak, berriz, adierazi du Arabako gazte askok arriskuko harreman sexualak edukitzen dituztela, nahiz eta hiesaren inguruko informazio asko izan. Ikastetxeetako sexu tailerrak ongi baloratu dituzte ia gazte guztiek.
Hiesaren prebentzioaren inguruko jardunaldia egingo dute Oiartzunen
Iruzkinak
Ez dago iruzkinik
Ordenatu
