Hezkuntza eta politika uztartzen

Kristau Eskolak zuzendari nagusi berria du: Maria Eugenia Iparragirrek (Irun, Gipuzkoa, 1968) hartuko du Mikel Ormazabalen lekua. Politikan ibilia da Iparragirre: Irungo EAJren zinegotzia izan zen, baita Espainiako Senatuan EAJren senataria ere. Irungo alarde baztertzailearen alde aritu izan da.

Politikan ez ezik, hezkuntzan ere lan egindakoa da. Esperientzia du irakasle lanetan, eta Eusko Jaurlaritzako Hezkuntza Saileko aholkularia izandakoa ere bada. Ikasketak ere zentro erlijiosoetan egin ditu, El Pilar Compañia de Marian, Donostiako Elizbarrutiko Irakasle Eskolan eta Deustuko Unibertsitatean.