Hezkidetzaren aldeko defentsa auzitegiaren parean

Berdintasuna ez da hautazkoa lelopean eta LAB, Steilas, CCOO, ELA, UGT, ESK eta CGT sindikatuek deituta, kontzentrazioa egin zuten atzo Nafarroako Justizia Jauregiaren parean, Skolae hezkidetza programaren defentsan. «Ezinbestekoa da ikastetxeetan berdintasunerako hezkuntza bultzatzea eta lantzea, desberdintasunei, genero rolei eta adierazpen sexistei aurre eginez», erran zuten Pilar Garcia eta Oihana Goiogana CCOOko eta ELAko kideek. Nabarmendu zuten Skolae ezinbertzeko tresna dela horretarako, eta Espainiako Auzitegi Gorenaren erabakia txarretsi zuten.