Haur eskoletako grebak %70eko babesa izan du

GASTEIZ. LAB, Steilas eta ELA sindikatuek deituta, greba eguna zuten atzo ere Haurreskolak partzuergoan. Sindikatuen arabera, langileen %70ek bat egin dute aste honetako hiru greba deialdiekin. Guztira, zortzi greba egun izan dituzte abendutik, eta mobilizatzen jarraituko dute. «Langileen lan baldintzak okertzen eta Haurreskolak partzuergoa bera arriskuan jartzen duten aldebakarreko erabaki politikoak hartzen jarraitzen dute».

Eusko Jaurlaritzako Hezkuntza sailburu Jokin Bildarratzi mintzatu zaizkio, eta haur eskolen etorkizunaren inguruan «argi» hitz egiteko eskatu diote. Gainera, gogorarazi dute beste hainbat eskaera ere badituztela: Haurreskolak partzuergoaren doakotasuna, Hezkuntza Sailean integratzea, lanpostuak egonkortzea, aurrekontua handitzea, dauzkaten akordioak errespetatzea eta abar.

Ez da aste honetan grebara jo duen kolektibo bakarra. ELAk deituta, herenegun eta atzo greba egin zuten eskoletako garraioko eta jangeletako langileek ere.