Gorpu bat aurkitu dute, ustez Berrobin falta zen gizonarena

DONOSTIA. Ertzaintzak gizonezko baten gorpua aurkitu zuen ostiralean Andoaingo ubide batean (Gipuzkoa). Litekeena da gorpua hilaren 10ean Tolosan desagertu zen Berrobiko gizonarena izatea. Joxe Ondarretxe autobusez jaitsi zen Tolosara, eta bertan herritar batzuek ikusi bazuten ere, ez zen etxera itzuli. Familia autopsiaren emaitzaren zain dago.