BILBO. Eudelek datorren ostegunean egingo du Arabako, Bizkaiko eta Gipuzkoako alkateen batzar orokorra, erakundearen Batzorde Eragile berria aukeratzeko. Elgoibarren izango dabatzarra (Gipuzkoa), 10:30ean. EAJk, PSE-EEk eta EH Bilduk aurkeztutako hautagaitzaren arabera, Gorka Urtaran Gasteizko alkatea (EAJ) izango da Eudeleko presidente, eta Jose Antonio Santano Irungo alkateak (PSE-EE) beteko du presidenteorde kargua. Urtaranek Imanol Landa Getxoko alkate ohia ordezkatuko du karguan. Bigarren presidenteordea EH Bildukoa izango da: Nagore Alkorta Azpeitiko alkatea.
Batzarraren xedea da 2019-2023 legealdirako gobernu organo berriak hautatzea: Batzorde Eragilea —hamabost ordezkari— eta Araba, Bizkai eta Gipuzkoako lurralde batzordeak —bakoitzak bederatzi—.
245 bazkideek hautagaitza bakarrari eman beharko diote botoa. Eudelek ohar batean azaldu du hiru indarrek adostutako hautagaitza «guztiz bat» datorrela estatutuetan jasotako genero orekarekin eta 2.500 biztanletik beherako udalerrien presentzia bermatzearekin.
Gorka Urtaran aukeratuko dute Eudeleko presidente
Ostegunean egingo dute batzar orokorra. Irungo eta Azpeitiko alkateak izango dira presidenteordeak
Iruzkinak
Ez dago iruzkinik
Ordenatu
